ఐ.టి. హబ్ ను వెనుకబడిన ప్రాంతమైన మదనపల్లి కి తీసుకురావాలి - మాజీ కేంద్ర మంత్రి చింతా మోహన్
నమిత న్యూస్ - Andhra Pradesh / Annamayya : చింతామోహన్, కేంద్ర మాజీ మంత్రి, కాంగ్రెస్ పార్టీ సీనియర్ నాయకులు ప్రెస్ కాన్ఫరెన్స్.ముఖ్యమంత్రి పదవులతో చంద్రబాబు, వైయస్ కుటుంబాలు ఆర్థికంగా బాగా ఎదిగాయి.ఆరు సంవత్సరాలు నీలం సంజీవరెడ్డి ముఖ్యమంత్రిగా రాయలసీమ అభివృద్ధికి ఏమి చేశారు? చిత్తూరు జిల్లా నుంచి చంద్రబాబు నాయుడు 15 ఏళ్లు ముఖ్యమంత్రిగా రాయలసీమను అభివృద్ధి చేసింది సున్నా. మూడు సంవత్సరాలు ముఖ్యమంత్రిగా కిరణ్ కుమార్ రెడ్డి మాటలతో కాలం గడిపారు.కడప జిల్లా నుంచి వైయస్ కుటుంబం 11 ఏళ్లు ముఖ్యమంత్రి పదవులు అనుభవించింది. రాయలసీమకు ఏమైనా చేశారా? చేసుంటే చెప్పండి. కర్నూలు నుంచి విజయభాస్కర్ రెడ్డి, దామోదరం సంజీవయ్యలు సీఎం అయ్యారు. 40 సంవత్సరాలు రాయలసీమ ముఖ్యమంత్రులు రాష్ట్రాన్ని పరిపాలించారు. అయినా సొంత ప్రాంతాన్ని పట్టించుకోలేదు.చంద్రబాబు కుటుంబం, వైఎస్ కుటుంబాలు ముఖ్యమంత్రి పదవుల వల్ల బాగుపడ్డారు. ఆర్థికంగా బాగా ఎదిగాయి. తిరుపతి నుంచి అనంతపురం వరకు, అనంతపురం నుంచి మదనపల్లె వరకు ప్రయాణం చేస్తే, రాళ్లు, చింత చెట్లు కనిపించాయి. నిరుద్యోగుల పరిస్థితి చాలా దారుణంగా ఉంది. ఉద్యోగాలు లేక, ప్రస్టేషన్లో గంజాయికి అలవాటు పడుతున్నారు.బి ఎన్ యుగంధర్ ఐఏఎస్ అనే వ్యక్తి అనంతపురం జిల్లా, తాడిపత్రి నియోజకవర్గంలో ఒక మారుమూల గ్రామంలో పుట్టారు. ఆయన రాజంపేటలో పెళ్లి చేసుకున్నారు. తాడిపత్రి తండ్రి, రాజంపేట తల్లికి పుట్టిన బిడ్డే మైక్రోసాఫ్ట్ సత్య నాదెళ్ల. రాయలసీమ ముద్దుబిడ్డ ఆయన.సత్య నాదెళ్ల వల్లే రాయలసీమ, రతనాలసీమగా మార్చే శక్తి అతనకే ఉంది. నిన్న నేను ( చింతామోహన్) సత్య నాదెళ్ల గారికి ఫోన్ చేసి, మాట్లాడాను. ఏపీ ముఖ్యమంత్రిగా చంద్రబాబు నాయుడు కూడా చొరవ తీసుకోవాలని కోరుతున్నాను. ఉపాధి హామీ చట్టం కామ్రేడ్ హరికిషన్ సింగ్ సూర్జిత్ గారి ఆలోచన.యూపీఏ ప్రభుత్వం గ్రామీణ ఆర్థిక వ్యవస్థ లో మార్పు తీసుకొచ్చేందుకు ఉపాధి హామీ చట్టాన్ని తెచ్చాము. ఫాదర్ ఆఫ్ నేషన్ మహాత్మా గాంధీ గారి పేరును పెట్టాము. చంద్రబాబు నాయుడు మద్దతు ఇస్తున్న బిజెపి ప్రభుత్వం మహాత్మా గాంధీ పేరును తీసివేసింది. ఇది దేశద్రోహం.100% కేంద్రం నిధులు ఇవ్వాల్సి ఉండగా, బిజెపి తెచ్చిన బిల్లు వల్ల, 60% కేంద్రం, 40% రాష్ట్ర ప్రభుత్వాలు భరించుకోవాల్సి ఉంటుంది. కూలీ రేట్లు కూడా భూస్వాములకు ఉపయోగపడేలా మార్పులు చేశారు.ఈ విలేకరులు సమావేశంలో కాంగ్రెస్ నాయకులు రెడ్డి సాహెబ్, రవి, యమలా సుదర్శన్, డాక్టర్,SK భాషా, మీనాకుమారి, ముభారక్, మహబూబ్ పీర్, శరత్, పాలేటి నాగరాజు..బి. నాగరాజు, మహమ్మద్ అలీ తదితరులు పాల్గొన్నారు.
Reporter
Namitha News
మరిన్ని వార్తలు
Developed By :
