అనంతపురము దానిమ్మపండ్ల కు భౌగోళిక సూచిక (GI) ట్యాగ్ దరఖాస్తు చేసిన మిట్స్
నమిత న్యూస్ - Andhra Pradesh / Annamayya : మదనపల్లె - జనవరి 11 : అంగళ్ళు సమీపం లోని మిట్స్ డీమ్డ్-టు-బి విశ్వవిద్యాలయం వారు అనంతపురము దానిమ్మపండ్ల కు భౌగోళిక సూచిక (GI) ట్యాగ్ కోసం అధికారికంగా దరఖాస్తు సమర్పించబడిందని వైస్-ఛాన్సలర్ డాక్టర్ సి. యువరాజ్ అన్నారు. యూనివర్సిటీ లోని మిట్స్ ఇంటెలెక్చువల్ ప్రాపర్టీ ఫెసిలిటేషన్ సెంటర్ (MITS-IPFC) మద్దతుతో అనంతపురము దానిమ్మపండ్ల కు భౌగోళిక సూచిక (GI) ట్యాగ్ కోసం అధికారికంగా దరఖాస్తు సమర్పించబడిందని ఆయన అన్నారు. అనంతపురము దానిమ్మపండ్లు కు ప్రత్యేక గుర్థింపు ఉందని , దానిమ్మపండ్ల ముదురు ఎరుపు రంగు గింజలు, అధిక రసం, సమతుల్యమైన తీపి, తేలికపాటి పులుపు, మెత్తని గింజలు మరియు ఎక్కువ కాలం నిల్వ ఉండే గుణాలకు ప్రత్యేక గుర్తింపు ఉందని, ఈ లక్షణాలు అనంతపురం ప్రాంతం యొక్క ప్రత్యేక వ్యవసాయ-వాతావరణ పరిస్థితులతో ముడిపడి ఉన్నాయని ఆయన అన్నారు. అనంతపురము దానిమ్మ సాగుదారులు మరియు ఉత్పత్తిదారుల సంఘం, చెన్నైలోని భౌగోళిక సూచికల రిజిస్ట్రీ, ఐపిఆర్ కార్యాలయానికి జి ఐ దరఖాస్తును సమర్పించింది ఆయన అన్నారు. ఈ దరఖాస్తు అనంతపురము దానిమ్మపండ్లను అనంతపురం భౌగోళిక ప్రాంతానికి ప్రత్యేకంగా సంబంధించిన ఒక విలక్షణమైన వ్యవసాయ ఉత్పత్తిగా అధికారిక గుర్తింపు కోరుతోంది అని ఆయన అన్నారు. ఈ ప్రక్రియ తమ యూనివర్సిటీ నుంచి జరగడం ఎంతో సంతోషంగా ఉందని ఆయన అన్నారు. దీని ద్వారా జి ఐ రక్షణ ఉత్పత్తి పేరు దుర్వినియోగాన్ని నిరోధించడానికి, నిజమైన సాగుదారులకు మెరుగైన ధర లభించేలా చూడటానికి మరియు అనంతపురము దానిమ్మపండ్ల దేశీయ మరియు అంతర్జాతీయ మార్కెట్ విలువను పెంచడానికి సహాయపడుతుందని ఆయన అన్నారు. ఈ రిజిస్ట్రేషన్ కు దోహద పడిన అవని ఫారం ల్యాబ్ టెక్నాలజీస్ (AFLABT) ఫార్మర్స్ ప్రొడ్యూసర్ కంపెనీ లిమిటెడ్, అనంతపూర్, మిట్స్ ఇంటెలెక్చువల్ ప్రాపర్టీ ఫెసిలిటేషన్ సెంటర్ (MITS-IPFC) మరియు మిట్స్ ఆర్ & డి సెల్ యొక్క చురుకైన ప్రయత్నాలను మిట్స్ యూనివర్సిటీ వ్యవస్థాపక ఛాన్సలర్ డాక్టర్ ఎన్. విజయ భాస్కర్ చౌదరి అభినందించారు. ఈ కార్యక్రమం లో అడ్విసెర్ (ఆర్ &డి) డాక్టర్ తులసిరామ్ నాయుడు, అసోసియేట్ డీన్ (ఆర్ &డి) డాక్టర్ పి. శివయ్య, అధ్యాపక సభ్యులు, ఉత్పత్తిదారుల కంపెనీ ప్రతినిధి బి సర్వేశ్ మరియు ఇతర వాటాదారులతో పాల్గొన్నారు.
Reporter
Namitha News
మరిన్ని వార్తలు
Developed By :
