స్పేషియల్ కంప్యూటింగ్ భవిష్యత్ సాంకేతిక ప్రపంచానికి పునాది – డాక్టర్ మల్లేశం దాసరి
ముఖ్య అతిథిగా అమెరికాలోని బోస్టన్ నగరంలో ఉన్న నార్త్ ఈస్టర్న్ యూనివర్సిటీకి చెందిన స్పేషియల్ ఇంటెలిజెన్స్ రీసెర్చ్ గ్రూప్ డైరెక్టర్, అసిస్టెంట్ ప్రొఫ
నమిత న్యూస్ - Andhra Pradesh / Annamayya : మదనపల్లె -జూన్ 08 : మదనపల్లి పట్టణం సమీపంలోని అంగళ్ళు వద్ద నున్న మదనపల్లె ఇన్స్టిట్యూట్ ఆఫ్ టెక్నాలజీ & సైన్స్ డీమ్డ్ టు బీ యూనివర్సిటీలోని ఇంటర్నేషనల్ రిలేషన్స్ సెల్ ఆధ్వర్యంలో “వాస్తవ ప్రపంచంతో అనుసంధానమైన డిజిటల్ సాంకేతికతలు మరియు వాటి భవిష్యత్తు” అనే అంశంపై అతిథి ఉపన్యాస కార్యక్రమం ఘనంగా నిర్వహించారు. ఈ కార్యక్రమానికి ముఖ్య అతిథిగా అమెరికాలోని బోస్టన్ నగరంలో ఉన్న నార్త్ ఈస్టర్న్ యూనివర్సిటీకి చెందిన స్పేషియల్ ఇంటెలిజెన్స్ రీసెర్చ్ గ్రూప్ డైరెక్టర్, అసిస్టెంట్ ప్రొఫెసర్ మరియు ఏంజెల్ ఇన్వెస్టర్ డాక్టర్ మల్లేశం దాసరి పాల్గొన్నారు. కార్యక్రమం ఆయన మాట్లాడుతూ ఆగ్మెంటెడ్ రియాలిటీ (AR), వర్చువల్ రియాలిటీ (VR), స్పేషియల్ ఆర్టిఫిషియల్ ఇంటెలిజెన్స్, రియల్ టైమ్ 3D కమ్యూనికేషన్ వంటి సాంకేతికతలు భవిష్యత్ ప్రపంచాన్ని రూపుదిద్దడంలో కీలక పాత్ర పోషిస్తాయని తెలిపారు. భౌతిక ప్రపంచం మరియు డిజిటల్ ప్రపంచం మధ్య వారధిగా పనిచేసే స్పేషియల్ కంప్యూటింగ్ సాంకేతికతల ప్రాముఖ్యతను వివరించారు. విద్య, ఆరోగ్య సంరక్షణ, గేమింగ్, ఇంజినీరింగ్, రియల్ ఎస్టేట్ మరియు వినోద రంగాల్లో AR, VR సాంకేతికతల వినియోగం వేగంగా పెరుగుతోందని, వీటి ద్వారా వినూత్న అభ్యాస విధానాలు, మెరుగైన అనుభవాలు మరియు సమర్థవంతమైన సేవలు అందుబాటులోకి వస్తున్నాయని పేర్కొన్నారు. అదేవిధంగా స్మార్ట్ వేర్బుల్స్, సెన్సింగ్ టెక్నాలజీలు, డేటా కంప్రెషన్, డిస్ట్రిబ్యూటెడ్ కంప్యూటింగ్, రియల్ టైమ్ ప్రాసెసింగ్ వంటి రంగాల్లో జరుగుతున్న ఆధునిక పరిశోధనల గురించి విద్యార్థులకు అవగాహన కల్పించారు. ముఖ్యంగా తాను అభివృద్ధి చేస్తున్న “స్మార్ట్ గ్లాసెస్” సాంకేతికతకు సంబంధించిన పరిశోధనలను ప్రదర్శించగా, అవి అధ్యాపకులు మరియు విద్యార్థులను విశేషంగా ఆకట్టుకున్నాయి. స్పేషియల్ ఇంటెలిజెన్స్ వ్యవస్థల నిర్మాణంలో ఉన్న అవకాశాలు, సవాళ్లు మరియు భవిష్యత్ పరిశోధనా దిశలపై సమగ్రంగా వివరించిన డాక్టర్ మల్లేశం దాసరి, ఈ రంగాల అంతర్-విభాగ స్వభావం కారణంగా AR, VR మరియు స్పేషియల్ కంప్యూటింగ్ నైపుణ్యాలు భవిష్యత్తులో విద్యార్థులకు విస్తృతమైన ఉపాధి అవకాశాలను అందిస్తాయని తెలిపారు. ఈ కార్యక్రమంలో యూనివర్సిటీ రిజిస్ట్రార్ డాక్టర్ డి. ప్రదీప్ కుమార్, అడ్వైజర్ (R&D) డాక్టర్ తులసీరామ్ నాయుడు, అసోసియేట్ డైరెక్టర్ ఇంటర్నేషనల్ రిలేషన్స్ యూ. విజయలక్ష్మి, అధ్యాపకులు మరియు విద్యార్థులు పాల్గొన్నారు
Reporter
Namitha News
మరిన్ని వార్తలు
Developed By :
