మిట్స్ లో విజయవంతం గా జాతీయ స్థాయిలో టెక్నికల్ సింపోసియం డి ఫెస్టా - 2K26
నమిత న్యూస్ - Andhra Pradesh / Annamayya : మదనపల్లె - ఏప్రిల్ 08: అంగళ్ళు సమీపంలో గల డీమ్డ్ టుబి యూనివర్సిటీ నందు కంప్యూటర్ సైన్స్ అండ్ ఇంజనీరింగ్(డేటా సైన్స్) విభాగము వారు జాతీయ స్థాయిలో టెక్నికల్ సింపోసియం డి ఫెస్టా - 2కే26 కార్యక్రమాన్ని ఏర్పాటు చేసినారు. ఈ కార్యక్రమానికి ముఖ్య అతిథిగా సాగ్నిక్ బెనర్జీ, డేటా అనలిటిక్స్ మేనేజర్, మైక్రోసాఫ్ట్ కంపెనీ, బెంగళూరు పాల్గొని, జ్యోతి ప్రజ్వలనతో కార్యక్రమాన్ని ప్రారంభించారు. కార్యక్రమంలో ఆయన మాట్లాడుతూ డేటా సైన్స్ మరియు కృత్రిమ మేధస్సు (AI) ప్రస్తుత టెక్నాలజీ రంగంలో ఎంతో ప్రాముఖ్యతను సంతరించుకున్నాయని అన్నారు. విద్యార్థులు పరిశ్రమ అవసరాలకు అనుగుణంగా తమ నైపుణ్యాలను అభివృద్ధి చేసుకోవాలని సూచించారు. ముఖ్యంగా పైథాన్ ప్రోగ్రామింగ్, డేటా హ్యాండ్లింగ్, డేటా క్లీనింగ్, మిషన్ లెర్నింగ్, ఎస్ క్యూ ఎల్ వంటి టెక్నాలజీలపై పట్టు సాధించడం అవసరమని అన్నారు.సూపర్వైజ్డ్, అన్సూపర్వైజ్డ్ లెర్నింగ్, రియల్ టైమ్ ప్రాజెక్టుల ప్రాముఖ్యత, కో-పైలట్ వంటి ఆధునిక ఏ ఐ సాధనాలను ఎలా ఉపయోగించాలో విద్యార్థులకు వివరించారు. ఆధునిక సాంకేతిక రంగంలో అత్యంత పరివర్తన కలిగించే రంగాలలో డేటా సైన్స్ ఒకటిగా అవతరించి డిజిటల్ పరివర్తన యుగంలో పరిశ్రమలలో కీలక పాత్ర పోషిస్తోంది అని అన్నారు. ప్రపంచం ప్రతి సెకనుకు భారీ మొత్తంలో డేటాను ఉత్పత్తి చేస్తూనే ఉన్నందున, సంస్థలు కార్యాచరణ అంతర్దృష్టులను సేకరించడానికి, కార్యకలాపాలను ఆప్టిమైజ్ చేయడానికి మరియు వ్యూహాత్మక నిర్ణయాలను నడిపించడానికి డేటా సైన్స్పై ఎక్కువగా ఆధారపడుతున్నాయి అని అన్నారు. ప్రస్తుత ధోరణిలో, ఆర్టిఫిషియల్ ఇంటెలిజెన్స్ (AI) మరియు మెషిన్ లెర్నింగ్ (ML) డేటా సైన్స్లో అంతర్భాగాలుగా మారాయని, ఇవి ప్రిడిక్టివ్ అనలిటిక్స్, ఆటోమేషన్ మరియు తెలివైన నిర్ణయం తీసుకోవడానికి వీలు కల్పిస్తాయి అని అన్నారు. ఆరోగ్య సంరక్షణ మరియు ఫైనాన్స్ నుండి ఇ-కామర్స్ మరియు వ్యవసాయం వరకు, డేటా ఆధారిత పరిష్కారాల ఉపయోగం సమస్యలను సంప్రదించే మరియు పరిష్కరించే విధానంలో విప్లవాత్మక మార్పులు చేస్తోంది అని అన్నారు. ప్రపంచ దేశాలతో పోల్చితే భారతదేశం డేటా వినియోగంలో ముందంజలో ఉందని, ఈ రంగంలో అనేక ఉద్యగం అవకాశాలు ఉన్నాయని, విద్యార్థులు వాటిని అందిపుచ్చుకోవాలని అన్నారు. కార్యక్రమంలో రిజిస్ట్రార్ డాక్టర్ డి ప్రదీప్ కుమార్, డీన్- స్కూలోఫ్ కంప్యూటింగ్ చంద్ర ప్రకాష్ గుప్తా, విభాగాధిపతి డాక్టర్ ఎస్.కుసుమ, ఫ్యాకల్టీ కోఆర్డినేటర్ డాక్టర్ ఎమ్ కిరణ్ కుమార్, డాక్టర్ కే.పుగజరాసి, అధ్యాపకులు మరియు విద్యార్థులు పాల్గొన్నారు
Reporter
Namitha News
మరిన్ని వార్తలు
Developed By :
