శక్తి, యుక్తులకు ప్రతీకగా కీర్తించే హనుమంతుడు సకల శుభములు కలిగిస్తాడు -- హనుమాన్ జయంతి సందర్భంగా హనుమంతుని సేవలో పాల్గొన్న వైసిపి సమన్వయకర్త నిస్సార్
నమిత న్యూస్ - Andhra Pradesh / Annamayya : వీర పరాక్రమాలు, వివేకం, శక్తి, యుక్తులకు ప్రతీకగా కీర్తించే హనుమంతుడు సకల శుభములు కలిగిస్తాడు -- హనుమాన్ జయంతి సందర్భంగా హనుమంతుని సేవలో పాల్గొన్న వైసిపి సమన్వయకర్త నిస్సార్ అహమ్మద్ -- కాట్లాటపల్లి రోడ్డులోని ఆంజనేయస్వామి ఆలయంలో స్వామివారి పూజలు, అన్నదానంలో పాల్గొన్న నిస్సార్ అహమ్మద్ హనుమంతుడు బలం, ధైర్యం, భక్తి, నమ్మకానికి పెట్టింది పేరుగా వీరత్వం పరాక్రమానికి ప్రతీకగా, కార్యసాధనకు ప్రతిరూపంగా పూజలందుకుంటున్నాడని మదనపల్లె వైసిపి సమన్వయకర్త నిస్సార్ అహమ్మద్ పేర్కొన్నారు. గురువారం హనుమాన్ జయంతి సందర్భంగా మదనపల్లె టౌన్ కాట్లటపల్లి రోడ్డులోని ఆంజనేయస్వామి ఆలయంలో హనుమాన్ జయంతి వేడుకలలో పాల్గొన్నారు. స్థానిక వైసిపి నాయకులు, ఆలయ కమిటీ వారు సాదర స్వాగతం పలికారు. స్వామి వారిని దర్శించుకుని, ప్రత్యేక పూజలు నిర్వహించిన అనంతరం తీర్ధప్రసాదాలు స్వీకరించారు. అనంతరం జరిగిన అన్నదాన కార్యక్రమంలో పాల్గొని అన్నవితర గావించారు. ఈ సందర్భంగా నిస్సార్ అహమ్మద్ హనుమాన్ జయంతి సందర్భంగా ప్రజలకు శుభాకాంక్షలు తెలియజేశారు.హనుమంతుని గొప్పతనాన్ని వివరించారు. హనుమంతుడు శ్రీరాముడి పట్ల అంతులేని భక్తితో వుండటం, సీతను రక్షించేందుకు చేసే ప్రతి పని వీరత్వానికి నిదర్శనం అన్నారు. హనుమంతుడు నమ్మకం మరియు పట్టుదల ద్వారా అసాధ్యమైన పనులను కూడా సాధించాడని ఇది అతని వీరత్వానికి ఒక ముఖ్యమైన లక్షణం అన్నారు. హనుమంతుడు తన బలం, ధైర్యాన్ని తన వివేకంతో సమతుల్యం చేసి గొప్ప విజయం సాధించాడని కొనియాడారు. సేవకు నిలువెత్తు సాక్ష్యం హనుమంతుడు అని రామాయణ ఘట్టంలో హనుమంతుడి సేవ అమోఘం అని, రాముడిని గుండెలో పెట్లుకున్న అపర భక్తుడుగా నేటికి కిర్తీంచబడటం జరుగుతోందని, హనుమంతుడి ధైర్య వీరత్వం, మానవత్వం, బలం, జ్ఞానం, భక్తి వంటి లక్షణాలు అందరూ ఆచరించదగినవిగా పేర్కొన్నారు. ఈ కార్యక్రమంలో కౌన్సిలర్లు వెంకట శివ, ఎన్వి. రమణా, శారదారెడ్డి, వైసిపి నాయకులు అనిల్, లక్ష్మీనారాయణ, నాగమణి, బండి మనోహర్, చిన్న, చరణ్, మహేష్, మల్లికార్జున రెడ్డి, యూనస్, శ్రీకాంత్, చిన్న తదితరులు పాల్గొన్నారు.
Reporter
Namitha News
మరిన్ని వార్తలు
Developed By :
