మిట్స్ లో ఎంబీఏ, ఎంసీఏ ప్రవేశాలకు దరఖాస్తుల ఆహ్వానం
నమిత న్యూస్ - Andhra Pradesh / Annamayya : మదనపల్లె - ఆగస్ట్ 04 :: మదనపల్లె ఇన్స్టిట్యూట్ ఆఫ్ టెక్నాలజీ అండ్ సైన్స్ (మిట్స్) డీమ్డ్ టు బి యూనివర్సిటీలో 2026–27 విద్యా సంవత్సరానికి ఎంబీఏ (మాస్టర్ ఆఫ్ బిజినెస్ అడ్మినిస్ట్రేషన్) మరియు ఎంసీఏ (మాస్టర్ ఆఫ్ కంప్యూటర్ అప్లికేషన్స్) కోర్సుల్లో ప్రవేశాలకు దరఖాస్తులు ఆహ్వానిస్తున్నట్లు విశ్వవిద్యాలయ రిజిస్ట్రార్ డాక్టర్ డి. ప్రదీప్ కుమార్ తెలిపారు. విద్యార్థులకు పరిశ్రమ అవసరాలకు అనుగుణమైన పాఠ్యప్రణాళిక, ఆధునిక ప్రయోగశాలలు, మెరుగైన మౌలిక సదుపాయాలు, అనుభవజ్ఞులైన అధ్యాపకులు, ఇంటర్న్షిప్లు, పరిశ్రమలతో భాగస్వామ్య కార్యక్రమాలు, ప్లేస్మెంట్ మరియు కెరీర్ మార్గదర్శక సేవలు అందుబాటులో ఉన్నాయని పేర్కొన్నారు. వ్యాపార నిర్వహణ, సమాచార సాంకేతిక రంగాల్లో విజయవంతమైన కెరీర్ను నిర్మించుకునేందుకు అవసరమైన జ్ఞానం, ప్రాయోగిక నైపుణ్యాలు, వృత్తిపరమైన సామర్థ్యాలను విద్యార్థుల్లో అభివృద్ధి చేయడం ఈ కోర్సుల ముఖ్య ఉద్దేశమని తెలిపారు. ఎంబీఏ మరియు ఎంసీఏ కోర్సులకు సాధారణ సెమిస్టర్ ఫీజు రూ.60,000గా నిర్ణయించగా, అర్హత పరీక్షలో 75 శాతం లేదా అంతకంటే ఎక్కువ మార్కులు, ఐసెట్ లేదా ఇతర సీఈటీ పరీక్షల్లో 500 లోపు ర్యాంకు, ఎంబీఏ అభ్యర్థులకు క్యాట్/మ్యాట్ పరీక్షల్లో 75 పర్సంటైల్ లేదా అంతకంటే ఎక్కువ సాధించిన అర్హులైన విద్యార్థులకు ఫీజు రాయితీ వర్తిస్తుందని తెలిపారు. అటువంటి విద్యార్థులకు సెమిస్టర్ ఫీజు రూ.50,000గా ఉంటుందని పేర్కొన్నారు. ఆసక్తి గల విద్యార్థులు admission.mits.ac.in వెబ్సైట్ ద్వారా ఆన్లైన్లో దరఖాస్తు చేసుకోవచ్చు. మరిన్ని వివరాలకు 7330803555, 7330852555 నంబర్లను సంప్రదించాలని విశ్వవిద్యాలయ అధికారులు సూచించారు
Reporter
Namitha News
మరిన్ని వార్తలు
Developed By :
