విశ్వం స్కూల్ సీబీఎస్సీ విద్యార్థి మండలి ఎన్నికలు -2026
నమిత న్యూస్ - Andhra Pradesh / Annamayya : *దిగ్విజయంగా పూర్తయిన విశ్వం స్కూల్ సీబీఎస్సీ విద్యార్థి మండలి ఎన్నికలు -2026* విశ్వం స్కూల్ (సీబీఎస్ఈ) లో 2026 ఆగస్టు 7న విద్యార్థి మండలి ఎన్నికలు ఎంతో ఉత్సాహంగా, ప్రజాస్వామ్య స్ఫూర్తితో నిర్వహించబడ్డాయి. 9వ మరియు 11వ తరగతుల విద్యార్థులు వివిధ పదవులకు అభ్యర్థులుగా పోటీ చేయగా, 4వ తరగతి నుండి 12వ తరగతి వరకు విద్యార్థులు ఓటర్లుగా పాల్గొన్నారు. ప్రచార ప్రసంగాలు, పోస్టర్ల ద్వారా ప్రచారం నిర్వహించిన అనంతరం, ఎన్నికలు నిష్పక్షపాతంగా, క్రమశిక్షణతో నిర్వహించబడ్డాయి. ఈ సందర్భంగా తొలిసారిగా ఎలక్ట్రానిక్ ఓటింగ్ మెషీన్లు (EVMలు) ఉపయోగించి నమూనా ఎన్నికల విధానాన్ని ప్రదర్శించారు. క్రింది పదవులకు ఎన్నికలు నిర్వహించారు: పాఠశాల విద్యార్థి నాయకుడు (SPL) – ప్రధాన విద్యార్థి / ప్రధాన విద్యార్థిని అసిస్టెంట్ పాఠశాల విద్యార్థి నాయకుడు (ASPL) – బాలుడు / బాలిక క్రీడల నాయకుడు సాంస్కృతిక నాయకుడు క్రమశిక్షణ నాయకుడు ఉపాధ్యాయులు మైక్రో అబ్జర్వర్లు, ఇంక్ మార్కర్లు, పర్యవేక్షకులుగా తమ బాధ్యతలను సమర్థవంతంగా నిర్వహించారు. ఓటింగ్ ప్రక్రియ అదే రోజు విజయవంతంగా పూర్తికాగా, ఫలితాలను పాఠశాల ప్రిన్సిపాల్ డాక్టర్ జె. రోసెలిన్ ప్రియా ప్రకటించారు. ఈ సందర్భంగా ఆమె మాట్లాడుతూ, "విద్యార్థి మండలి ఎన్నికలు విద్యార్థుల్లో నాయకత్వ లక్షణాలు, పౌర బాధ్యత, ప్రజాస్వామ్య విలువలు మరియు పాఠశాల సమాజంతో అనుబంధాన్ని పెంపొందించే అద్భుతమైన వేదిక" అని పేర్కొన్నారు. విజేతలు: ఎస్. డానీ చాజ్ – SPL ( బాలుడు) సి. మధుప్రియ – SPL ( బాలిక) టి. మంజునాథ్ రెడ్డి – ASPL ( బాలుడు) ఎం. జాహ్నవి – ASPL ( బాలిక) కె. చరణ్ మనిదీప్ – క్రీడల నాయకుడు డి. యక్షిత్ రెడ్డి – క్రమశిక్షణ నాయకుడు విద్యార్థి మండల ఎన్నికల గురించి పాఠశాల చైర్మన్ శ్రీ ఎం. ప్రభాకర్ రెడ్డి గారు విజేతలను అభినందిస్తూ, "విజేతలు తమ బాధ్యతలను జవాబుదారీతనంతో నిర్వహించాలని మరియు విద్యార్థి మండలి ఎన్నికలు వివిధ తరగతుల విద్యార్థుల మధ్య పరస్పర సహకారం, స్నేహభావం పెంపొందించి పాఠశాలను మరింత బలోపేతం చేస్తాయి" అని అన్నారు. "యువ నాయకులు – ఉజ్వల భవిష్యత్తు" విజేతలందరికీ హృదయపూర్వక అభినందనలు! అని తెలిపారు.
Reporter
Namitha News
మరిన్ని వార్తలు
Developed By :
